“VIVIANMAIERSELFIE”

 

INSTAGRAM LEHIAKETA-OINARRIAK

 

1.- Arteguneak Vivian Maierren autorretratuak aztertzea proposatzen du eta argazkigintza klasikoaren edertasuna balioztatzea.

2.- Lehiaketa honetarako erreferentziatzat hartu ahal izango dira Vivian Maier argazkilariaren autorretratuak, beraren lanak Vivian Maier. Argazkilari errebelatua erakusketan ikus daitezkeelarik Kutxa Kultur Artegunea aretoan (Tabakalera) datorren urriaren 20ra arte.

3.-Autorretratuek bereziki markatu zuten haren argazkigintza.Asko-asko egin zituen, bera nor zen jakiteko aukerak beste, horretan behin eta berriz eta halako obsesio batez saiatzen zelarik.Bere eguneroko bizitzan aurkitzen zituen isla eta elementuez baliatzen zen, alegiazko konposizioak egin eta horietan bere irudia sartzeko.Ildo honi jarraituz, parte-hartzaileek beren sormena jarriko dute lanean autorretratuak egiteko orduan, horrela argazki enigmatiko eta harrigarriak sortu ahal izateko.

4.- 18 urtez behekoek ezingo dute parte hartu.

#VivianMaierSelfielehiaketan parte hartu ahal izateko argazki bat (autorretratu) bat egin behar duzu eta Instagrameko zeure kontura igo.Parte-hartzaile bakoitzak nahi beste autorretratu bidal ditzake lehiaketara.Instagrameko kontuak publikoa izan behar du, bestela zure kontaktuek bakarrik ikusi ahal izango dituzte zuk argitaratuak.

 

5.- Parte-hartze sistema Instagram bidez bakarrik egingo da, autorretratua zeure kontura igoz #VivianMaierSelfie hashtag edo traolarekin.Erantsi titulu edo azalpen labur bat, Artegunearen kontua (@arteguneaKutxa) jarraitu, aipatu eta etiketatzeaz gain.

6.- Argitalpen guztiak antolakuntzak berrikusi eta baliozkotuko ditu; gainera, honek eskubidea izango du ez onartzeko, bere iritziz, lehiaketak eskaturiko teknika, arte edo/eta legezko baldintzak betetzen ez dituzten piezak.

7.-Epaimahaiaren erabakia eta saria

Parte hartzeko epea 2019ko uztailaren 29tik abuztuaren 30era izango da.Irailaren 2an, Kutxa Fundazioak izendaturiko epaimahaiak hiru irabazleak aukeratuko ditu, eta sariak Vivian Maier. Argazkilari errebelatua erakusketako katalogoak izango dira.Epaimahaiaren erabakia apelaezina izango da, baita sariak hutsik geratzen baldin badira ere.

8.- Lehiaketara aurkezturiko argitalpenei buruzko eskubideak

Parte-hartzaileak adierazten eta bermatzen du bera dela argazkien egile bakarra eta lehiaketara aurkezten dituen argazkiei buruzko egile-eskubide guztien jabea dela.Halaber, parte-hartzailearen ardura edo erantzukizuna izango da argazki bakoitzean agertzen diren pertsonen baimena lortzea, deituriko jarduera eraginkorrerako, salbu argazki hori leku publiko batean egina bada eta legez ezarritako eran, irudi-eskubideengatiko erreklamazio oro bere gain hartuz.Parte-hartzailea izango da legezko erantzule bakarra aurrez egindako irudiak erabiltzean egile-eskubideei buruzko legea ez betetzeagatik sortzen den edozein gatazkaren aurrean.

9.- Sustapena eta zabalkundea

Lehiaketaren sustapen eta zabalkunderako erakundeari beharrezkoak iruditzen zaizkion ekintzak egin ahal izateko, parte hartzen duten guztiek Kutxa Kultur Arteguneari lagako dizkiote, era esklusiboan eta doan, lehiaketara aurkezturiko irudien eta testuen erreprodukzio eta komunikazio publikorako eskubideak.Eskubide horien lagapena lehiaketaren eta gero egin litekeen erakusketaren eremura bakarrik mugatuko da.Erakunde deitzaileak aukera izango du bai lanak teknikoki eraldatzeko hori beharrezkoa den neurrian Interneteko edo Interneti atxikigarria den beste edozein teknologiatako formatu, irudi edo itxurara egokitzeko, eta bai komenigarri iruditzen zaizkion euskarri fisikoetan erreproduzitzeko ere.

Saritutako argitalpenak, atxikitako testuekin batera, Artegunearen jabetza izango dira erabilera esklusiborako, eta erakundearen ikus-entzunezko funtsen parte bihurtuko dira, argitalpen hauen egileek erakundeari lagako dizkiotelarik saritutako lanen erakusketa- eta erreprodukzio-eskubide guztiak.Argitalpen irabazleen egileek Artegunearen berariazko baimena beharko dute argitalpenez zeinahi erabilera egiteko, edo horiek beste edozein lehiaketatara aurkezteko.

10.- Datu pertsonalak babestea

Europako Parlamentu eta Kontseiluaren 2016/679 Araudian (EB) 2016ko apirilaren 27koan, datu pertsonalen tratamenduari eta datu horien zirkulazio libreari lotuta pertsona fisikoak babesteari buruzkoan xedatutakoaren arabera, jakinarazten dizugu zuk emandako datu pertsonalek guztiz isilpeko tratamendua izango dutela Kutxa Fundazioaren, Kutxagestion Zerbitzuak, S.L.U.ren eta Fundación Bancaria Kutxa – Kutxa Banku Fundazioaren erantzukizunpean, lehiaketan parte hartzeko helburuaz.

Bidalitako datuak eta dokumentazioa gorde egingo dira, nahitaezkoa den epean, baina suntsitu egingo dira horiek gordetzea beharrezkoa ez denean edo zuk zeuk berariaz eskatzen duzunean, erabateko konfidentzialtasuna bermatzen zaizularik bai datuen tratamenduan eta bai ondorengo suntsiketan.

 

Aurrekoa gorabehera, zure datu pertsonalak prozesatu edo/eta jakinarazteko adostasuna ezeztagarria izango da beti, atzera eraginik gabe.Jakinarazten zaizu, edozein unetan, aukera duzula zeure eskubideak egikaritzeko tratamenduaren arduradunetako baten aurrean (Kutxa Fundazioa, helbidea: Mikeletegi pasealekua, 79 - Donostia), edo ohiko postaz idazkia bidaliz goiko helbide horretara edo posta elektronikoz ( This email address is being protected from spambots. You need JavaScript enabled to view it. ), betiere zeure nortasun-agiriaren kopia ere bidalita.

11.- Oinarriak onartzea

Parte-hartzaileek, lehiaketan parte-hartze hutsagatik, honen oinarri guztiak eta bakoitza onartzen dituzte.

Banner Artegunea EU 1010x400 1.1 

 


ERAKUSKETA:



 

New York NY c. 1950

 

VIVIAN MAIER

Argazkilari errebelatua

 

 

2019ko ekainaren 21etik urriaren 20ra

Komisarioa: Anne Morin

 

 

 

New York, NC, c. 1950 © Estate of Vivian Maier, Courtesy of Maloof Collection and Howard Greenberg Gallery, NY

 

   Guztira 135 argazki daude, eta inoiz Espainian aurkeztu ez diren 33 argazki biltzen ditu: aurkikuntza txiki bat.

   Argazkiak 6 gai taldetan banatzen dira:

 

1.         Erretratuak

Atal honek emakumeen, agureen eta kalean bizi diren pertsonen argazkiak biltzen ditu batik bat.Guztiak ere eguneroko bizitzagatik eta bere arreta erakartzen zuten pertsonen ezaugarriengatik zuen jakin-minaren lekuko.Maier erretratuetan hurbiltzen zaio besteari.Bereizketa bat egin daiteke klase baxuenetako pertsonei egiten zizkien erretratuen –haiekin identifika zitekeen– eta itxuraz bizitza erosoa zuten pertsonen erretratuen artean.

 

Zenbait erretratutan, Maierrek bere aurpegia inprimatu zuen argazkia atera zien pertsonen aurpegiaren gainean.Berezitasun hori dela eta, haren erretratuek bere burua ere irudikatzen dutela esan dezakegu eta, azken batean, erretratutzat ez ezik, autoerretratutzat ere jo daitezke.

 

 

2.         Autoerretratuak

Autoerretratuak mugarri bat izan ziren Maierren argazkilaritzako ibilbidean.Milaka eta milaka egin zituen, bera nor zen deskubritzeko aukerak bezain beste; zinez saiatzen zen horretan; obsesio bat ere bazela esan genezake.Islak eta egunerokoan aurkitzen zituen elementuak baliatzen zituen konposizio zoragarriak egin eta bere burua haietan txertatzeko.

 

3.         Formalismoa

Atal honek primeran definitzen du Maierren obsesioa, ez horrenbeste irudiagatik, baizik eta argazkiak egiteko ekintzagatik.Pertsonen, kalearen, objektuen, paisaien argazkiak egiten zituen.Batzuetan badirudi argazkia egiten zion hura ikuspegi formaletik bakarrik ulertzen zuela –batik bat enkoadraketa eta oreka–, eta ez zela arduratzen argazkilaritzaren diskurtsoagatik, irudiaren garrantzia argazkietan agertzen diren elementuen ezaugarri formalari esleituta.

 

4.         Kaleko irudiak

New Yorkeko eta Chicagoko arkitekturaren eta hiri-bizitzaren argazki gogoangarriak, batez ere 50eko eta 60ko hamarkadakoak, eta bereziki, auzo apalenenak.Ikusten zuena erretratatzen zuen; ez zen saiatzen ezer bikaina atzematen, bakarrik gauza txikiak, pertsona edo egoera bakoitza definitzeko garrantzitsuenak soilik: detaile bat, keinu bat, jarrera bat, errealitatearen inflexio bat pasadizo bilakatua.

 

Kaleko irudietan ez zen argazkia egiten zion agertokian sartzen; atarian geratzen zen, mugan.Ez hurbilegi –ez oztopatzeko–, ez urrunegi –ez ikusezin izateko–.

 

5.         Haurtzaroa  New York 1954

Vivian Maierrek enpatia handia zuen haurrekin.Izan ere, umezain gisa egiten zuen lan.Haurtzaroa bere lanean izugarrizko garrantzia duen konstante bat da, eta haurrak dira protagonista, bai bakarka posatzen, bai taldean jolasten edo zuzenean kamerari begiratzen.

 

  6.      Koloretako argazkiak

1965etik aurrera, Maierrek koloretako argazkilaritzari heldu zion, Leica batekin hasi baitzen lanean.Ordura arte erabili zuen Rolleiflex kamerarekiko arinagoa zen eta bisorea begien parean zeukan kamera baterako aldaketak indartu egin zuen argazkia egiten zien pertsonekiko begi-kontaktua.

 

 

Argazki sortarekin batera 1960tik aurrera egindako 8 mm-ko filmak aurkituko ditugu. Haiei esker, Vivianen begirada jarraituko dugu, baina mugimenduan.Argazkietan bezalaxe, inguratzen duen munduaren behaketa zuhur eta isilaren emaitza den esperientzia bisual bat eskainiko digu.Ez dago narraziorik, ez dago kamera-mugimendurik (zinemagintzako mugimendu bakarra igota doan autobusarena edo metroarena izango da).Vivian Maierrek argazki-irudira daraman hura filmatuko du: behatu egiten du, eta intuizioari jarraituta subjektu bat antzeman eta jarraitu egiten dio.Objektiboarekin zoom egiten du urrunetik hurbiltzeko, eta jarrera jakin batean edo xehetasun batean zentratzen da (esaterako, jendetza baten erdian diren pertsona batzuen zangoetan edo eskuetan).Filmak dokumental bat bezala funtzionatzen du gehiago –polizia atxilotzen ari den gizon bat, edo tornado batek eragindako kalteak–, edo kontenplazio-objektu baten modura –ardi prozesio bitxia, Chicagoko hiltegi baterantz abiatzen–.

 

       New York,1954 © Estate of Vivian Maier, Courtesy of Maloof Collection and Howard Greenberg Gallery, NY

  


ARTISTA:


 

 Self-portraitVIVIAN MAIER

 

Vivian Maier (1926-2009) haurtzain gisa aritu zen lanean New Yorken eta Chicagon, 1950eko hamarkadaren hastapenetatik 90eko hamarkadara arte.

 

Ia bizitza osoa, inoiz nabarmendu ez zena, harik eta orain gutxi, 2007an, haren obra fotografikoa aurkitu zuten arte: obra garrantzitsua, itzela, trinkoa, bere baitan biltzen dituena 120.000 negatibo, super 8 formatuko eta 16 mm-ko filmak, hainbat grabaketa, argazkiak eta errebelatu gabeko negatibo ugari.Pasio hark gainditu egin zuen azkenean Maier, baina orain Street Photography estiloko argazkilari onenen mailan kokatu du, eta dagoeneko badu bere tokia argazkilaritzaren historian, Diane Arbus, Robert Frank, Helen Levitt eta Garry Winogrand argazkilarien ondoan, besteak beste.

 

Haren lana, «desitxuratzera» eta baita desagertzera ere kondenatuta zegoena, in extremis aurkitu izana zentzugabekeria bat da ia, patuaren zartada Vivian Maierren bizitzan; izan ere, aurkikuntza horren ondorioz, haurtzain xume hura Vivian Maier bilakatu da hil ostean. Vivian Maier, argazkilaria.

Badira haren lanean behin eta berriz ageri diren gaiak, hala nola kaleko eszenak, ezezagunen erretratuak eta parekotzat identifika zitzakeen pertsonenak, haurren mundua, berea ere izan zena, eta autorretratuenganako nolabaiteko zaletasuna. Autorretratuak oso ugariak dira Vivian Maierren obran; hainbat forma eta ezin konta ahala bariazio dituzten autorretratuak, hizkuntzaren barruko hizkuntza bilakatzen direnak ia. Erdibitzea.



Erakusketa honetan, haren lanaren ikuspegi panoramiko bat aurkeztu nahi dugu haren gai nagusien bidez. Gai horiek horizontalki bakarrik arakatu zituen argazkilari gisa egindako ibilbidean, eta artistaren adierazpen fotografikoaren berezitasunak irudikatzen dituzte —hasi lehen irudietatik, 1940eko hamarkada amaieran eginak, eta 90eko hamarkadako irudietara iritsi arte—.Era berean, erakusketa honen baitan, modu esklusiboan ikusgai izango dira aurretik inoiz erakutsi ez diren 30 irudi, artistaren artxiboan aurkitutako errebelatu gabeko 2.500 negatiboen lagin bat. Horiek tratatuta emaitza bikaina lortu da, aurkikuntza handia egin da


 

Self-portrait © Estate of Vivian Maier, Courtesy of Maloof Collection and Howard Greenberg Gallery, NY


JARDUERAK:

 

kustaldi gidatuak doan

Igandero

18:30 euskeraz / 19:30 gazteleraz


Familientzako tailerrak

Prezioa: 3€

Igandero 12:00 - 13:30

5-12 urte bitarteko haurrentzat, lagunduta.

Erreserbak Aretoan bertan, T 943 251937 edo  This email address is being protected from spambots. You need JavaScript enabled to view it.

 

Ikastetxe esta taldeentzako jarduerak

Ikustaldi gidatuak

Iraupena : 60 min

Ekintzaren prezioa: 60€

 

Bisita-tailerra

Iraupena: 90 min

Ekintzaren prezioa: 80€

Jarduera guztietan gehienez 25 parte-hartzaile

 

Jarduera hauez gain, edozein premia eta taldetara egokitutako jarduerak egin ditzazkegu

Informazioa eta ereserbak 943 251937 edo  This email address is being protected from spambots. You need JavaScript enabled to view it.

 


LOTUTAKO JARDUERAK:

 

Filmaren proiekzioa

Ekainak 26 //  20:00

Finding Vivian Maier filmaren proiekzioa [Vivian Maierren bila], John Maloof eta Charlie Siskel, EUA, 2013 (83'), Tabakalerako zine aretoan. 

Sarrerak Tabakaleran, ohiko lekuetan.

 

Formatu erdiko kamerei buruzko tailerra, Niko Iturralderen eskutik

Uztailak 6 //  10:00-13:30 eta 15:00-19:00

Formatu erdiko kamerak aztertuko dira, bereziki Vivian Maierrek erabili zuen modeloa: Rolleiflex. Kamerekin argazkiak egin eta errebelatu egingo dira.

Plaza mugatuak!  //  Beteta!

Prezioa: 50€ 

Aldez aurretik izena emanda aretoan bertan, T 943 251937 edo This email address is being protected from spambots. You need JavaScript enabled to view it.

 

Vivian Maier by Jorge Napal

Irailak 5 // 19:00 //  Beteta!

Jorge Napal gizarte gaietako kazetariak gidatutako bisita.

Plaza mugatuak!

Doan, aldez aurretik izena emanda aretoan bertan, T 943 251937 edo  This email address is being protected from spambots. You need JavaScript enabled to view it.

 

Vivian Maier by Tamara García

Urriak 3 //  19:00 //  Beteta!

Tamara García artistak gidatutako visita.

 

Plaza mugatuak!

Doan, aldez aurretik izena emanda aretoan bertan, T 943 251937 edo  This email address is being protected from spambots. You need JavaScript enabled to view it.

 

 

Mahai ingurua

Urriak 10, //19:00. Gaztelania

Anne Morin komisarioa eta Una vida prestada (Lumen, 2018) liburuaren egile den Berta Vias idazle eta itzultzailea Vivian Maier argazkilariari buruz solastuko dira Kutxa Fundazioaren Ruiz Balerdi aretoan, Tabakalerako 4. solairuan.Mahai-inguruaren ostean, Berta Viasek liburuak sinatuko ditu.

Sarrera doan, aretoa bete arte.

 

 


KATALOGOA:




 FOTOLIBRO

 

 

 

 

 

 

 

ARGAZKI-LIBURUA

Salneurria: 20€ (BEZa barne)

 

 

 

 

   

Banner Artegunea EU 1010x400 1.1 

 


ERAKUSKETA:



 

PALAU GUELL 001

 

AITOR ORTIZ

 

GAUDÍ

Inpresio intimoak

 

 

2019 azaroaren 15etik 2020ko otsailaren 16ra

 

 

Komisarioa: Javier González de Durana

 

 

Aitor Ortiz argazkilariaren Barne-zirrarak erakusketan 120 irudi biltzen dira, Antoni Gaudí (Reus, 1852 - Bartzelona, 1926) arkitekto katalanak diseinaturiko eraikinei eginikoak, eta horien artean daude Casa Milá, Sagrada Familia, Casa Batlló, Parc Güell, Torre Bellesguard, Palau Güell, Casa Vicens, Casa Calvet, Güell pabilloilak, Güell koloniako kripta eta Sagrada Familiako maketa-lantegia.Bisitariak antzeman dezakeen arren argazki batzuk edo besteak zein eraikinetakoak diren, Aitor Ortizek ez du nabarmen egin nahi ezagutze hori, baina ezta ezkutatu ere.Gaur egungo arkitektura-egitura handi eta konplexuen argazkiak egiten espezializatua, hau da bere lehen sarraldia ikusizko ahalmen berezi eta ahaltsuaren jabe den arkitekto historiko baten eremuan.Begirunetik eta miresmenetik, argazkilariak elkarrizketa adeitsu eta goxoa ezartzen du arkitektoarekin, eta solasaldi horretan bakoitza bere sorkuntza-hizkuntzatik mintzo zaio bisitariari, batak bestea indartzen duelarik. 

Antoni Gaudíren arkitekturari buruzko proiektu honetan, irudi lezake espazio arkitektonikoaren jeinu izan zen eta aldi berean joritasun sortzailea xehetasunen diseinura emana maisuki erabiltzen zuen diseinatzaile batengana zuzendu duela Aitor Ortizek bere begirada, eta bata zein bestea izan zirela arrazoiak Ortizek bere arreta arkitektura hartan jartzeko, oso-oso bestelakoa ordura arte arreta xurgatu izan zionaren aldean.

Hala ere, Gaudíren arkitektura-lana fotografiatzean, Aitor Ortizek ez dio izan zena eta dena izateari uzten, jakin baitu arkitekto katalanarengan, bere forma eta kromatismoekin liluratzen gaituen ikusgarriaren paraleloa den Gaudírengan, beste Gaudí bat aurkitzen, aurrekoa baino txikiagoa ez dena, eta izan badena, nahiz eta ez den zehaztasunez behatua izan, Gaudí sotilago eta finagoa, Gaudí ia hautemanezina, ia ezkutukoa, bere irudimen kulunkariaren alegiazko sorkuntzen artean oharkabean igarotzen dena.

Aitor Ortizen kamerak begi argitzaile gisa funtzionatzen du, agerian dagoelarik, hala ere, ikusezin jarraitzen duena narrazio-aberastasunez gainezka dagoen kontakizun batengatik hunkitu eta akituriko begiradarentzat ikusezin dagoena.Baina bada beste kontakizun bat Gaudírengan:nortasun sendoko argazkilari berezi honek ikusi duena da.

Casa Milá, Sagrada Familia, Casa Batlló edo Torre Bellesguard bezalako eraikinen aurrean, posible al da ez erortzea ikusizko errepikapenean, ez jaustea irudiaren profesionalek, hedabideek edo turistek mila aldiz jorraturiko topiko ikonikoan?Arkitekto katalanaren lanaren inguruko gehiegizko argazki-elikatzeak, eta ondoriozko zarata bisualak eta saturazio ikonikoak, guztiz bestelako kontakizuna nahi izatera eta –azken isiltasunaren misterioan, gure kontzientziari oroitaraztea eta ulertzea ahalbidetuko dion deuseztapenean– bilatzera behartzen gaitu.

 

 

©Aitor Ortiz

 


ARTISTA:


 

 AITOR ORTIZAITOR ORTIZ (Bilbon, 1971)

 

1995. urteaz geroztik arkitekturaren argazkilaritza landu du, dokumentuaz harago joanda.Errepresentazio fotografikoari lotutako alderdi errealaren disoluzioa eta transmutazio faktoreaz baliatuta, Aitor Ortizek espazioarekin, arkitekturarekin eta objektuarekin egiten du lan, eta bertatik abiatuta, hainbat inkognita bisual eta kognitibo planteatzen dizkigu.

 

Haren lana modu indibidualean jarri izan da ikusgai Nafarroako Unibertsitateko Museoan (Iruñea, 2018), Le Centquatren (Paris, 2015), Canal de Isabel II-n (Madril, 2013) eta FOTOGRAFISKA.The Swedish Museum of Photography-n (Stockholm, 2011). Haren lanak ikusgai daude museo hauetan: Sofia Erregina Arte Zentroaren Museo Nazionala (MNCARS), Masaveu Bilduma, Guggenheim Bilbao Museoa eta La Caixa Fundazioko Arte Garaikideren Bilduma.

 

 


JARDUERAK:


 

Ikustaldi gidatuak doan

 

Igandero

18:30 euskeraz / 19:30 gazteleraz

 


Familientzako tailerrak

 

Igandero 17:00 - 18:30

Prezioa: 3€

5-12 urte bitarteko haurrentzat, lagunduta.

Erreserbak Aretoan bertan, T 943 251937 edo  This email address is being protected from spambots. You need JavaScript enabled to view it.

 

Ikastetxe esta taldeentzako jarduerak

 

Ikustaldi gidatuak

Iraupena : 60 min

Ekintzaren prezioa: 60€

 

Bisita-tailerra

Iraupena: 90 min

Ekintzaren prezioa: 80€

 

Jarduera guztietan gehienez 25 parte-hartzaile

Jarduera hauez gain, edozein premia eta taldetara egokitutako jarduerak egin ditzazkegu

 

Informazioa eta ereserbak 943 251937 edo  This email address is being protected from spambots. You need JavaScript enabled to view it.

 


LOTUTAKO JARDUERAK:


 

CASA BATLLO 002

 

 

 

GAUDÍ. Inpresio intimoak argitalpenaren aurkezpena

Azaroaren 21ean // 19:00tan

Aitor Ortiz argazkilariaren eta Santos Bregaña diseinatzailearen arteko solasaldia.

Ruiz Balerdi aretoan. Tabakalerako 4.solairuan

Sarrera libre, aretoa bete arte.

 

 


 

Bisita gidatua, artista eta komisarioarekin batera

Abenduaren 19an // 19:00tan

Erakusketa bisitatzea, Aitor Ortiz artistaren eta Javier González de Durana komisarioaren gidaritzapean.

Aldez aurretik izena emanda aretoan bertan, T 943 251937 edo  This email address is being protected from spambots. You need JavaScript enabled to view it.

 

Gabonetako familientzako tailerrak

Abenduaren 26an,  27an, eta urtarrilaren 2an eta 3an 

Arratsaldeko 17:00etatik 19:00etara.

Kuota: 3€

Aldez aurretik izena emanda aretoan bertan, T 943 251937 edo  This email address is being protected from spambots. You need JavaScript enabled to view it.

 

Iñaki Bergeraren hitzaldia

Urtarrilaren 17an // 19:00etan

Arkitektura eta argazkilaritza:begiradarekin habitatu

Ruiz Balerdi Areota. Tabakalerako 4. solairuan

Sarrera librea, aretoa bete arte.

 

Musika aretoan

Urtarrilaren 18ko 25eko eta otsailaren 1eko larunbatetan // 18:30tatik 20:00tara

Musikeneko ikasleek Frederic Mompouren abestiak joko dituzte, erakusketa girotzeko.

Sarrera librea, aretoa bete arte.

 

Monpouren eta haren garaikideak kontzertua

Otsailaren 8an //  19:00etan

Muskikeneko ikasleen kontzertua.

Kutxa Kultur Klubean - Tabakalerako 1. solairuan

Sarrera librea, aretoa bete arte.

 

©Aitor Ortiz


KATALOGOA:



KATALOGOA-ORTIZ-CATALOGO

 

 

 

 

 

AITOR ORTIZ

GAUDÍ

Inpresio intimoak

Salneurria: 40€ (B.EZ.a barne)